برنامج فرصة

مراحل قرض فرصة

قبل ما نهدرو على مراحل برنامج فرصة خاصنا نعرفوا بلي برنامج فرصة هو واحد البرنامج حكومي انطلق من سنة 2022 الهدف ديالوا تمويل الشباب حاملين فكرة مشروع، مقاول ذاتي، شركة، تعاونية وسجل تجاري باش يبداو المشاريع ديالهم.

التمويل واصل الى 10 ديال المليون بمعنى 100000 درهم وفيه منحة ديال 10000 درهم ماتتردهاش، اهم شيء ان التمويل تيتعطى فلوس لصاحب المشروع ماشي للممون زعما الفورنيسور لي غادي تجيب من عندو  الدوفي (devis)  ولي تيعطيك الفلوس مؤسسة القروص الصغرى ماشي الأبناك اوك

سؤال غادي يجيك فبالك غادي تبغي تعرف كي دير تسجل باش تستافد من قرض فرصة ؟؟

1.التسجيل

الجواب ساهل جدا يكفي انك تسجل فموقع ديال فرصة لي تيتفتح من اجل التسجيل وهادي تعتبر اول خطوة واهم خطوة هيا التسجيل بطريقة صحيحة باش يتقبل ليك الملف ديالك وغادي تلقاو فيديوات فالقناة فيهم الشرح بالتفصيل على طريقة وكيفية التسجيل

2.المقابلة الهاتفية

من بعد التسجيل تتجي ثاني مرحلة او خطوة فالبرنامج هيا مقابلة هاتفية تيتصلوا بيك ناس فرصة تيسولوك عدة اسئلة خاصك تجاوب عليهم وتكون مقنع فالأجوبة ديالك مثلا تهدر على المشروع الاحتياجات ديالو التجربة ديالك اهم شيء خاص يلقاوك متمكن من المشروع.

3.التكوين

 من مور المقابلة الهاتفية تتوصل بواحد الرسالة فالبريد الالكتروني ديالك باش تبدى التكوين عن بعد، هادي مرحلة الهدف منها تعلم امور تتهم المقاولة من خلال دروس في فيديوات وتتجاوب على الأسئلة وخاص تجيب المعدل فكل محور وكاين 9 ديال المحاور خاص تخدمها وملي تتسلي كل محور تتاخد شهادة، هاد التكوين مهم ليك والمشروع ديالك ومن خلال الجوبة ديالك غادي تقاد الملف ديالك لي غادي دفعوا للتمويل

4.اعداد ملف التمويل

ملف التمويل تيتكون من عدة وثائق تتقادها باش الدفع المشروع دياك لمؤسسة القروض الصغرى لي غادي تمولك، الوثائق تتختلف من مؤسسة لمؤسسة وايضا على حساب الصفة القانونية ديالك، عامة فالملف تتكون واحد دراسة الجدوى، التزام بالكراء، تصريح بالشرف على صحة المعلومات، الدوفيات، شواهد ديالك وديبلومات. هادشي تتوجدوا وتترسلوا ليهم

حاجة مهمة خاص تعرف خاص تصبر بزاف باش توصل للتمويل حيث هادشي تياخد الوقت وايضا ماتزربوش حيث ملي تتبداو التكوين تتخدم معاكم الحتضنة باش تقادو الملف ديالكم.

على العموم هاد المراحل الأربع ديال قرض فرصة لي باقي ليه دابا 3 ديال النسخ ويسالي حاول من دابا توجد المشروع ديالك وكون مستعد باش ملي يفتح التسجيل تشارك.

بالتوفيق للجميع

One thought on “مراحل قرض فرصة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *